Nga Evi Kokalari:
Dokumentet e fundit të publikuara nga Departamenti Amerikan i Drejtësisë (DOJ) mbi rrjetin e Jeffrey Epstein po hapin një kapak të rëndë të politikës globale, ku emra të njohur të diplomacisë ndërkombëtare dalin të lidhur me skema influencimi, shantazhi dhe interesa të huaja strategjike.
Një nga emrat që shfaqet në mënyrë tronditëse është Miroslav Lajčák — ish-president i Asamblesë së Përgjithshme të OKB-së, ish-kryetar i OSBE-së dhe për vite me radhë figura kyçe që mbante peng çështjen e Kosovës në emër të BE-së.
Sipas dokumenteve, Lajčák përmendet jo disa herë, por plot 839 herë në materialet e lidhura me Epstein.
Një marrëdhënie shumë e afërt me Epstein
Komunikimet e zbuluara tregojnë se Lajčák kishte një marrëdhënie jashtëzakonisht të ngushtë me Jeffrey Epstein. Ai e vizitonte atë jo vetëm në New York, por edhe në Palm Beach, Paris dhe New Mexico, duke dëshmuar një lidhje që shkon përtej kontakteve sporadike diplomatike.
Sipas analizës së dokumenteve, Lajčák jo vetëm që komunikonte rregullisht me Epstein, por e përfshinte atë në takime dhe plane politike në Ballkan, përfshirë përpjekje për ta sjellë Epstein në Mal të Zi, ku do të takohej me zyrtarë të lartë lokalë.
Epstein, Rusia dhe ngritja politike e elitave
Materialet sugjerojnë se ardhja në pushtet e Robert Ficos në Sllovaki mund të ketë qenë e ndihmuar nga ky rrjet influencash, ku përmenden Epstein dhe Steve Bannon si figura me rol prapaskenash.
Në bisedat mes Lajčák dhe Epstein është diskutuar edhe mundësia që Lajčák të bëhej President i Sllovakisë, përpara se ai të emërohej në poste kyçe ndërkombëtare, përfshirë drejtimin e OSBE-së.
Por ajo që e bën këtë dosje edhe më alarmante është një fakt i përsëritur vazhdimisht në dokumente:
– Epstein duket se ka punuar kryesisht në favor të interesave ruse.
Epstein si instrument i shërbimeve ruse
Sipas burimeve të dokumentuara, Jeffrey Epstein përshkruhet si financier personal i Vladimir Putinit, ndërsa materialet komprometuese që ai grumbullonte — video, foto, regjistrime — i ngjajnë qartazi metodologjisë klasike të KGB-së, e përdorur për të pasur leverage mbi liderët politikë dhe diplomatikë të botës.
Kjo ngre një pyetje dramatike:
A ishte Lajčák një diplomat i pavarur, apo një hallkë në një zinxhir ndikimi rus brenda institucioneve evropiane?
Kosova peng i lojërave gjeopolitike
Në këtë kontekst, bëhet më e qartë pse proceset që lidhen me Kosovën janë zvarritur, shtrembëruar dhe mbajtur peng për vite me radhë. Lajčák, si ndërmjetës kryesor, kishte një mbështetje të fuqishme të drejtpërdrejtë ose të tërthortë nga Rusia, çka shpjegon qëndrimet e njëanshme dhe presionet sistematike ndaj palës shqiptare.
Kontrolli real mbi BE-në
Dokumentet hedhin poshtë një mit të përhapur:
– Rusia ka pasur shumë më tepër ndikim real mbi Bashkimin Evropian sesa Soros apo elitat e Davosit.
Ndërsa vëmendja publike ishte e fokusuar te globalizmi dhe strukturat e hapura, një rrjet i errët, i financuar dhe i drejtuar nga Moska, vepronte në heshtje, duke rrënjosur ndikimin e tij thellë në politikën evropiane.
Një rrezik i nënvlerësuar për vite me radhë
Siç është paralajmëruar prej vitesh nga zëra të pavarur kritikë, mes tyre edhe Evi Kokalari, bota perëndimore u përqendrua te një rrezik, ndërsa një e keqe shumë më e madhe po rritej në hije — e padukshme, por jashtëzakonisht e fuqishme.
Sot, dosjet Epstein po e bëjnë të pamohueshme këtë realitet.
PatriotikMedia.al do të vijojë publikimin dhe analizën e këtyre dokumenteve, sepse e vërteta për Kosovën, Ballkanin dhe Evropën nuk mund të mbetet peng i rrjeteve të errëta ndërkombëtare.